Åknes Tafjord Beredskap IKS fekk 13.08.13 dispensasjon for å byggje ei kommunikasjonsmast på Høgstolen i Trollstigen landskapsvernområde. Anlegget skal nyttast i samband med overvaking av det rasutsette området Mannen i Romsdalen.
Åknes Tafjord IKS melder no at anlegget er ferdigstilt. Nasjonalparkstyret for Reinheimen har i møte 13.08.13, sak 22/13 gjort slik vedtak:
«Med heimel i naturmangfaldlova § 48 Åknes Tafjord Beredskap IKS får dispensasjon frå verneforskrifta for Trollstigen landskapsvernområde for bygging av radiokommunikasjonsmast på Høgstolen.Etter er ei orientering frå Kjell Jogerud er saka tilstrekkeleg opplyst, jf naturmangfaldlova § 8.Nasjonalparkstyret har elles komme til at samfunnssikkerheit og beredskap må vege tyngre enn omsynet til å ivareta landskapet sin karakter. Tiltaket vil elles ikkje skape presedens, jf nml §§ 9 og 10.Anlegget må få ei utforming og fargeval som gjev best mogleg tilpassing til landskapet, jf, naturmangfaldlova § 12.Tilsvarande blir det gjeve dispensasjon for motorisert ferdsel (helikopter) i samband med bygging av anlegget.»
Det er Reinheimen Nasjonalparkstyre som melder dette.