Skrevet av Janne Søvik, ordførarkandidat og gruppeleiar i Rauma Arbeiderparti

I opplæringslova § 13-7a står det at kommunane skal ha tilbod om leksehjelp i grunnskulen. Elevane har rett til å delta på leksehjelp, tilbodet skal være gratis, men frivillig.

I forskrift til opplæringslova står det vidare at §1A-1 står det at kommunen skal tilby leksehjelp i til saman åtte timar kvar veke til elvar i grunnskulen. Timane kan fordelast fritt på årstrinna. Formålet med leksehjelp er å gi elevane støtte i læringsarbeidet, gi kjensle av meistring og legge føringar for gode rammer til sjølvstendig arbeid- leksehjelp skal og medverke til å viske ut sosiale forskjellar.

Leksehjelp gir ikkje rett til skoleskyss. Dette gjeld også for elevar med behov for skoleskyss på medisinsk grunnlag.

Kommunen er ansvarleg for leksehjelp, men kan sjølv velje korleis leksehjelpa skal organiserast og det er her det blir ser ut til å bli komplisert.

Slik leksehjelpa har vert organisert fram til no i Rauma så har mange elevar ikkje kunne brukt tilbodet fordi dei ikkje bor i gangavstand til skulen eller fordi dei har farleg skuleveg. Utan rett til skyss har ikkje alle fått eit reelt  tilbod om leksehjelp når ikkje skulen klart å organisere på ein slik måte at elevane har kunna bruket ordinær skuleskyss heim.

Rauma  Arbeidarparti fekk gjennomslag/vedteke at elevar kan få bruke ordinær skyss «om det er plass og om eleven betaler». Det var eit steg i rett retning.

I desember -22 fekk vi inn eit nytt vedtak:

«Rauma kommune tilskriv kvar skule i kommunen og ber om at leksehjelpa blir organisert på ein slik måte at elevane får reell moglegheit til å dra nytte av tilbodet. Rauma kommune samarbeider med fylkeskommunen om å få tilpassa skuleskyssreglementet best mogleg slik at elevane så langt der er råd kan bruke ordinær skuleskyss.»

Så frå hausten av så håpar vi at alle elevar som ønskjer å bruke tilbodet om leksehjelp får moglegheit.

For det skal ikkje vere slik at avstanden til skulen skal avgjere om ein få ta del i eit slikt tilbod. Det handlar om organisering og smidigheit frå kommune og fylkeskommune.

Dei yngre elvane har kort skuledag og kan dermed benytte seg av skulebussen når dei eldre elevane skal heim. Dei eldre elevane har større moglegheit til å vente på vanleg bussrute eller føresette som kan hente etter jobb.

Vi gler oss til hausten kjem og for sjå at alle elevane som for delta på dette viktige tilbodet.