Statens vegvesen sendte tysdag 14. mai ut følgjande pressemelding:
Fv. 63 Geiranger-Langvatn vert opna tysdag 14. mai klokka 11.00. Stavbrekka, som ofte har vore årsaka til at vegen har opna seint, gjekk på laurdag. Geologane til Statens vegvesen har inspisert området og gitt grønt lys for vegopning. Samanlikna med andre år, opnar vegen mellom Geiranger og Langvatn relativt tidleg. I fjor opna ikkje vegen før 31. mai.
I Trollstigen gjer isforholda i fjellet at det ikkje er aktuelt med opning. Det er store mengder is i fjellet som kan rase ned på vegen og difor ikkje trygt for folk".
Det er ikkje kjent når Trollstigen kan opnast.